A Tribute...

Hazaaro khwahishe aisi ki har khwahish pe dam nikle,
Bahut nikle mere armaan, lekin fir bhi kam nikle...
Khwahish thi unke aane ki,
Aake fir na jane ki,
Par hum the nadaan ye kaise bataye,
Saare sapne ho chuke the paray,
Sath thi to bas meri tanhai...


Aur ek khwahish unke aane ki,
Aake fir na jane ki......

Andhakaar bhi zaroori hai...

Andhakaar bhi zaroori hai...


Ujale ko pehchanne ke liye,
Khud se parichay karane ke liye,
Bheed me kahi kho jane ke liye,
Kuch samajh pane ke liye...


Andhakaar bhi zaroori hai...


Soch ko sahi disha dene ke liye,
Shatru pe vaar karne ke liye,
Kshadik bhar vishraam karne ke liye,
Naya suraj ugne ke liye...


Andhakaar bhi zaroori hai...


Dil ko sukoon dene ke liye,
Ek uski justju lene ke liye,
Pal bhar ki khushi ke liye,
Naye jiwan ke udbhav ke liye...


...Andhakaar bhi zaroori hai